بسم الله الرحمن الرحيم
السلام عليكم ورحمة الله وبركاته
اقدملكم قصيد شاعر شبيب
وتمناء ان احوز علي رضاكم جميعنا
ياعايشن دنياك وين أنـت رايـح
لاتامن الدنيا ترى الموت مقسـوم
تالي ملـذ العمـر زايـل وزايـح
لاناقصن عمرك ولا زايـدن يـوم
لاتحسبن الناس فـرق وشرايـح
عند الولي متساوية جملـة القـوم
عليك في الطاعة وكسب المدايـح
وحق الرفيق اللي عن الذل محشوم
خلك على الصحبة بديـع المنايـح
قولة نعم تكفيك عن عيبة الشـوم
عز الرفيق اللي على العز سايـح
اللي يقـدر جيّتـك دايـم الـدوم
لاجاك في ضيقـة وقـام يتمايـح
وأقبل عليك وشفت داعيك ملـزوم
يّسر عليه من الهمـوم القرايـح
وصرله سعد وأفراح لاصار مهموم
يشناك من يوطاك لاصرت طايـح
ينعاد لك ماسوّت الفرس والـروم
وتنقدك عين مدوريـن الفضايـح
اللي تجيب رخوم وتـوّدر رخـوم
عين البغيض اللي يشم الروايـح
مثل الثعل لدساسة الغـدر مزكـوم
لاصابتك بلـوى عليـك الذبايـح
قلط عليها فرخـة الديـك والبـوم
وفي اللازمة دايم كما الورق نايح
أبعد من المريخ وأسبق من الزوم
هرجة كثير وسرد هرجـة قبايـح
ومد هزيل ولاحكى تقـل ملطـوم
وأنا عليك أبديت بعض النصايـح
وقل الحكي حكمة وكثر الحكي لوم
لاتامن الدنيا ترى العمـر رايـح
لاناقصن عمرك ولا زايـدن يـوم
